Prøvetaking av industrifangstar, og reglar om avsiling av vatn, ved landing
HØYRINGSSVAR FRÅ PELAGISK FORENING
FORSKRIFT OM PRØVETAKING AV INDUSTRIFANGSTAR VED LANDING - REGLAR OM AVSILING AV VATN OG PRØVETAKINGSPLIKT MV
OG FORSKRIFT OM BRUK AV TVANGSMULKT OG OVERTREDINGSGEBYR VED BROT PÅ HAVRESSURS-OG DELTAKARLOVA
Pelagisk Forening viser til høyring datert 12.9.25.
Pelagisk Forening er einig i at det er naturleg at reglane om prøvetaking ved landing, og krava til avsilingssystem, står i same forskrift.
Noreg er bunden av mellomstatleg kontrollavtalar, der Noreg har forplikta seg til innføra bestemte kontrolltiltak.
Direktoratet skriv at «Imidlertid foreslår vi regler som går noe utover avtalene, og som dermed må høres.»
I høyringsnotatet står det at «Vi foreslår at kravene i vedlegg V til kontrollavtalen skal gjelde for alle landinger av industrifangst, uavhengig av art og mengde. Dette vil inkludere for eksempel landinger av lodde. Når det gjelder mengde, så vil det i praksis ikke få særlig betydning at kravene skal gjelde for alle landinger uavhengig av vekt, fordi vi ikke har mottaksanlegg som tar imot industrifangster under 10 tonn.»
Pelagisk Forening meiner at når det er inngått internasjonale avtalar som regulerer kva artar som skal vera omfatta er det ein føremon om myndigheitene først freistar å få avtalane til å omfatte fleire artar. Dette før norsk regelverk fastset at regelverket skal omfatta alle artane. Dette fordi det er ein føremon med like reglar i landa Noreg har kontrollavtale med.
Når det gjeld mengde meiner Pelagisk Forening at regelverket ikkje må gjelda for kvantum lågare enn kva mottaka faktisk tek imot. Dette fordi det kan henda at fiskarar får fangstar mindre enn ti tonn. T.d. dersom eit fartøy har fått eit lite trålhal om bord, og får tekniske problem som gjer at fartøyet må gå til land. Landingsplikta gjer at òg små kvantum må landast på eit eller anna vis. Dette sjølv om mottak ikkje oppfyller krava til avsiling, prøvetaking etc for små fangstar. Det bør ikkje innførast regelverk som gjer at fiskarar ikkje kan landa små fangstar utan å bryta lova.
I høyringsnotatet står det òg at «Innretningene for avsiling av vann er imidlertid ikke designet med tanke på landing av lodde». Pelagisk Forening meiner at ein bør vera varsam med å innføra reglar som er uråd å etterkoma i praksis.
Dersom regelverket skal omfatta artar som avsilingssystema ikkje er designa for å handtera vil resultatet kunne bli færre landingar i Noreg.
Som kjent er det ikkje loddefiskeri i Barentshavet kvart år. Det er ikkje sikkert at mottaka vil bygga dyre ekstra avsilingssystem for å ta imot fangstar frå marginale fiskeri. Kravet vil kunne føra til at norske båtar må levera loddefangstar i utlandet, eller avstå frå å fiska lodda fordi lang avstand til utanlandsk mottak gjer fiskeriet ulønsamt. Før regelverket blir utvida til å gjelda lodda bør det avklarast, med landindustrien, korleis ein kan levera loddefangstar som avsilingssystema ikkje er designa til å ta imot.
Pelagisk Forening støttar at det blir innført krav om akredditering for tredjepartar som skal gjennomføra prøvetakingar.
Pelagisk Forening støttar òg at det «i en overgangsperiode tillate at prøvetakingen gjennomføres av en tredjepart som ikke er akkreditert, men som er i en akkrediteringsprosess, og som på forespørsel fra Fiskeridirektoratet kan fremlegge dokumentasjon på prosessen.»
Pelagisk Forening oppfattar høyringa slik at det ikkje er mogeleg å bli akkreditert utan å først å ha praktisk erfaring med prøvetaking. Dersom dette er korrekt bør regelverket utformast slik at det er mogeleg for nye aktørar å etablera seg framtida.
Pelagisk Forening støttar òg «at ikraftsettingen av regelen om sortering på størrelse /lengdemåling suspenderes inntil de nødvendige tekniske forutsetningene er på plass.»
Direktoratet skriv at «Kravene i kontrollavtalen har kommet i stand etter forhandlinger mellom partene der man har tatt utgangspunkt i eksisterende standarder og løsninger i industrien. Pelagisk Forening har ikkje innvendingar til «forbud mot installasjoner e.l. som kan bidra til tap av biologisk materiale mellom avsilingssystemet og vekten.»
Pelagisk Forening har heller ikkje innvendingar til at trommelsil og bandsil blir likestilt som avsilingssystem.
Pelagisk Forening har ikkje innvendingar til forslaget om at all tilverking av prøvar skal gjerast av ein akkreditert tredjepart. Det viktigaste er at prøvetaking blir gjort korrekt, og at det er like konkurransetilhøve i næringa.
Når det gjeld forslaget om innføring av reglar om avsiling av vatn konstaterer Pelagisk Forening at dette er «en oppfølging av den frittstående kontrollavtalen som Norge, EU, Færøyene, Island, Storbritannia og Grønland signerte i november 2022 og som gjelder for makrell, norsk vårgytende sild (NVG-sild), kolmule og hestmakrell (Stand Alone-avtalen).» Pelagisk Forening legg til grunn at når Noreg har forplikta seg internasjonalt, og at reglane, om avsiling, difor må forskriftsfestast.
Pelagisk Forening meiner at det er ein føremon med like reglar for avsiling av vatn, og utstyr for avsiling, i alle landa der fangstane, frå Nord-Atlanteren bli landa.
Pelagisk Forening har ikkje innvendingar til forslaget til endring av forskrift om bruk av tvangsmulkt og gebyr ved brot på havressurslova og deltakarlova.
Pelagisk Forening har ingen merknadar til heimel for endringsforslaget, eller til det redaksjonelle i forskrifta.